Plantun de Prouvènço

Pèr coumpara dos planto d'encò nostre

Lathyrus clymenum subsp. articulatus & Athyrium filix-femina

Lathyrus clymenum subsp. articulatus

Fabaceae Leguminosae

Noms en français : Gesse articulée, Gesse climène.

Descripcioun :
Aquelo jaisso trachis dins li relarg proche de mieterrano, èi coumuno soulamen dins la Prouvènço dóu levant. Se recounèis à si fueio de 1 à 4 paréu de fueioun souvènt descouta (e prim encò la subsp. articulatus). Li flour soun de dos coulour, l'estendard pourpre e la careno un pau vióuleto, subretout encò la subsp. articulatus. Pèr la bèn destria de la subsp. clymenum, fau regarda l'estigmate que dèu pas pourta d'arèsto. Coumpara emé la subsp. clymenum.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : Pancaro entresigna
Fueio : coumpausado
Tipe bioulougico : Teroufite
Cicle bioulougico : Planto de l'an

Gènre : Lathyrus
Famiho : Fabaceae
Famiho classico : Leguminosae

Ordre : Fabales

Coulour de la flour : Roujo
Petalo : irreguliero
Ø (o loungour) flour : Pancaro entresigna
Flourido : Printèms

Sòu : Si
Autour basso e auto : Pancaro entresigna
Aparado : Noun
Remarco : Planto de coustiero

Liò : Terraire safrous - Camin - Tepiero seco
Estànci : Termoumediterran à Mesoumediterran
Couroulougi : Pancaro entresigna
Ref. sc. : Lathyrus clymenum subsp. articulatus (L.) Ball, 1878

Féuse(-feméu)

Athyrium filix-femina

Athyriaceae

Nom en français : Fougère femelle.

Descripcioun :
Aquest féuse trachis sus siliço e au nostre se rescountro subretout en mountagno souto li mele e li sapino. Douno proun d'èr au féuse-de-cabro, Dryopteris filix-mas, mai li foundo soun eici tres cop descoupado e subretout emé de soro en long e noun pas en round. L'indusìo se vèi bèn.

Usanço :
Lis indian d'Americo n'en manjavon lou rizoumo pela e rousti. Aurié d'ùni prouprieta en raport emé li règlo e l'acouchamen, d'ounte lou noum.